بۇ كېچە

ئەزىز ئەيسا ئەلكۈن

(شېئىرنى مۇھەممەت بابۇر ئوقۇغان)

ئەگەر بۇ ئاۋاز يانفوندا قويۇلمىسا تۆۋەندىكى ئۇلنشتىن بىۋاستە ئاڭلاڭ:

bu_keche.mp3


بۇ كېچە يۇلتۇز يوق، ئايمۇ مۆكۈنگەن،
پەشتاقتىكى گۈللەر نۇرلۇق، جۇلالىق.
شامالدا ئىرغىيدۇ يالىڭاچ دەرەخلەر،
تىلەيدۇ يۈرىكىم ئۆزىگە پاناھلىق!

 

يۇلتۇزۇمنى سېغىنىپ ئاسمانغا باقتىم،
قەيەرگە كەتتىڭ سەن بۈگۈن سىردىشىم ؟!
سۈكۈتتە ئۆزۈمدە تۇغۇلىدۇ سۇئال ـ
نېچۈك ھالىم مېنىڭ، تەتۈر قاياشىم؟! …..

 

كوچا چىرغى يېنىق، نۇرلۇق، چىرايلىق،
گۈل ئۇستىدە كۈن نۇرىدەك چاقنايدۇ.
بۇ يەردە ئادەملەر بەزمىدە مەستخۇش،
تاڭ سېغىنىپ خورازلار سەھەر چىللايدۇ…

 

پەسىل بىلەن نە كارى پەشتاقتىكى گۈل،
ئۈشۈسىمۇ بەرگىسىدىن ئېچىلىپ تۇرىدۇ.
يوق ئەمەستۇر ئارىمىزدا ئادەم مىسالى،
ئۆزنى بىلـمەس ئۆزگىگە جاننى بېرىدۇ!

 

غۇۋا كۆرۈنگەن ئاي نۇرى، ئۇستىدە بولۇت،
گاھ يورۇپ، گاھى ئۆچۈپ، مەنزىلىگە راۋان….
بۇ كوچىغا چىراغ تۆكسىمۇ سۇنئىي نۇرىنى،
ئايدىڭ كېچە يانار چۈش ۋە ئوڭۇمدا ھامان !

 

يالىڭاچ دەرەخ شاماللارغا ئۇسۇل ئوينايدۇ…
قارا كېچە بولۇپ ماڭا بەختسىز ھەمرا.
تاتلىق قەلبىم ئاشىقلىقتىن تىنماي ئۆرتەيدۇ،
قاچان يېتەر بۇ ھالىمغا بۇ بايقۇش دۇنيا؟!

 

2015 ـ يىلى، 26 ـ دېكابىر، لوندون.

 

 

Bu_keche

 

 

 

مەنبە باغداش ۋە بوزقىر تورى مۇنبەرلىرى: 

http://bbs.bagdax.cn/thread-41209-1-1.html

http://bbs.bozqir.com.cn/forum.php?mod=viewthread&tid=8507

 
 



1 باھا يېزىلىپتۇ. سىز تېخى باھا يازمىغان ئوخشايسىز... بۇ تېمىغا ئ‍ۆزىڭىزنىڭ قىممەتلىك پىكىرىنى يېزىپ كۆپچىلىك بىلەن ئورتاقلىشىشىڭىشنى ئارزۇ قىلىمىز!

  • Elkun
    Elkun | 15:47 | 2015.12.28 جاۋاب

    бу кечә

     

    әзиз әйса әлкүн

     

    бу кечә юлтуз йоқ, айму мөкүнгән,
    пәштақтики гүлләр нурлуқ, җулалиқ.
    шамалда ирғийду ялиңач дәрәхләр,
    тиләйду йүриким өзигә панаһлиқ!

     

    юлтузумни сеғинип асманға бақтим,
    қәйәргә кәттиң сән бүгүн сирдишим?!
    сүкүттә өзүмдә туғулиду суал ـ
    нечүк һалим мениң, тәтүр қаяшим?! …

     

    коча чирғи йениқ, нурлуқ, чирайлиқ,
    гүл устидә күн нуридәк чақнайду.
    бу йәрдә адәмләр бәзмидә мәстхуш,
    таң сеғинип хоразлар сәһәр чиллайду…

     

    пәсил билән нә кари пәштақтики гүл,
    үшүсиму бәргисидин ечилип туриду.
    йоқ әмәстур аримизда адәм мисали,
    өзни билـмәс өзгигә җанни бериду!

     

    ғува көрүнгән ай нури, устидә болут,
    гаһ йоруп, гаһи өчүп, мәнзилигә раван…
    бу кочиға чирағ төксиму суний нурини,
    айдиң кечә янар чүш вә оңумда һаман!

     

    ялиңач дәрәх шамалларға усул ойнайду…
    қара кечә болуп маңа бәхтсиз һәмра.
    татлиқ қәлбим ашиқлиқтин тинмай өртәйду,
    қачан йетәр бу һалимға бу байқуш дуня?!

     

    2015 ـ йили 26 ـ декабир, лондон.

     
    _____________________________

    мәнбә:
    әзиз әйса әлкүн тори:
    http://www.azizisa.org/index.php/2015/12/27/bu_keche

     

سەھىپىمىزدە پىكىر يازغاندا ئۇيغۇر تىلىنىڭ ئۆلچەملىك ئىملا قائىدىسىگە رىئايە قىلىشىڭىزنى تەۋىسىيە قىلىمىز !