چىمەنقۇش

ئەزىز ئەيسا ئەلكۈن

Chimenqush

ئەسەرنى بىۋاستە ‍ئاڭلاش: Elkun_poem/Chimenqush.mp3

 

چىمەنقۇش
قەشقەردىكى چىمەنقۇش…
تومۇز ھىدى سەندىن سوۋۇمىغان،
ئاخۇنلۇقتا سايراپ يۈرەتتىڭ تۆنۈگۈن
ئۇ يەردىن ئىزىڭ تېخى قۇرمىغان.

 

شۇڭا دەيمەن
سېنىڭ كۈزدە سۇلغىنىڭ يالغان،
سېنىڭ قەپەزگە كىرگىنىڭ يالغان!

 

مەن شۇ قەپەس قۇلۇپىنى چاقاي!
قۇرۇپ كەتسۇن قۇلۇپ دۇنيادا.
رەزىللەرنى نەپرىتىمدە كۆيدۈرەي
قىساس ئۆتى ئاسسۇن ئۇلارنى دارلارغا!

 

شېئىرىڭ پەرۋاز قىلار
ساڭا تەۋە بولغان كۆك ئاسماندا…

چۈنكى كۆك ئاسمان ئەركىن
ئۇ ساڭا ئوخشىمايدۇ
ئەمما ئۇ سېنى پەنجىرىدىن كىرىپ يوقلاپ تۇرۇدۇ
سەن گاھ مۇڭغا پاتقان چاغلاردا …


چىمەنقۇش
سەن پەسىلدىن قورۇققان ئەمەس
سەن پەسىلگە ئەسلا گۆل ئەمەس.
سەن چوقۇم كېلىسەن
قولۇڭدا گۈل دەستە تۇتۇپ كېلەر باھاردا

 

ئەگەر سەن بولمىساڭ
نوغاي بېشىدا تېرەك قانداق پوتلىسۇن،
بەشكېرەمدە شاپتۇل قانداق چېچەكلىسۇن،
قەشقەر ئاسمىنىغا قارلىغاچمۇ كەلمەس. 
سەنسىز بۇ ھايات قايتا كۈلمەس!

 

2018-يىلى 1-نويابىر، لوندوندا يېزىلدى.

 

—————————————
ئېنگىلىزچە تەرجىمىسى:  http://www.azizisa.org/en/chimenqush

 

 



1 باھا يېزىلىپتۇ. سىز تېخى باھا يازمىغان ئوخشايسىز... بۇ تېمىغا ئ‍ۆزىڭىزنىڭ قىممەتلىك پىكىرىنى يېزىپ كۆپچىلىك بىلەن ئورتاقلىشىشىڭىشنى ئارزۇ قىلىمىز!

  • 域名 | 02:36 | 2018.11.23 جاۋاب

    时间真快,又到年底!正好有空,到这里看看!

سەھىپىمىزدە پىكىر يازغاندا ئۇيغۇر تىلىنىڭ ئۆلچەملىك ئىملا قائىدىسىگە رىئايە قىلىشىڭىزنى تەۋىسىيە قىلىمىز !