уйғурларниң миллий байрими: норуз

“Noruz_Elkun.jpg"әзиз әйса әлкүн

 

нахшини аңлаш: Noruz_naxshisi.mp3

 
норуз – уйғур миллитиниң әсирләрдин буян давам қилип келиватқан бирдин бир әнәниви йеңи йилни тәбрикләш миллий байримидур. норуз – у йилниң беши, зимистан қишниң қоғлинип, йеңи бир пәсилниң алмишиши, иллиқ баһарниң келиши, вәтәнгә, ана тупраққа болған муһәббәтниң, йеңи бир һаятлиқниң муқәддәм башлиниш күнидур. норуз байрими күни қәдимки шәмсийә (күн) календари бойичә йил ахирлишип, йеңи йил кириш күни (миладийә календари бойичә 3-айниң 21-күни) йәни күн билән түн тәңләшкәнкүнгә тоғра келиду.

 
уйғур миллити норуз байримини мәзмуни мол болған һәр түрлүк шәкилләр билән тәбрикләйдиған болуп асаслиқи тәнтәрбийә вә сәнәт паалийәтлирини елип бериш, аилиләрдә норузниң хасийити сүпитидә норуз майсиси өстүрүш, дала -түзләрдә норуз еши етиш, норуз нағриси челиш, мәһәллиләрдә қапақ көйдүрүп айлинип, соғуқ қоғлаш паалийити елип бериш, өз-ара йоқлаш, норуз сәйлиси қилиш вә норузлуқ арзу- тиләкләрни баян қилиш Қатарлиқ усуллар билән ипадилиниду. «норуз» дегән сөз әслидә парсчә сөз болуп, «нәв» (йеңи) сөзигә «зор» (күн) сөзиниң қошулушидин тәркиб тапқан. у «йеңи күн», «йил беши» дегән мәниләрни билдүриду. бу сөз «қәдимки соғди тили арқилиқ Түркий хәлқләргә өзләшкән. «норуз» қәдимки Түркийә түрүкчисидә айниң ети болуп, қәдимдин башлап мөчәк һесабидиму йилниң беши һәмәл (норуз) ейи билән башланған. норуз байрими явро-асия чоң қуруқлиқиниң мәркизи, җәнуби вә ғәрбидә яшайдиған Һиндистанлиқ мусулманлардин тартип, Пакистанлиқ мусулманларғичә, Иранлиқлар, курдлар вә барлиқ Түркий хәлқләрниң ортақ йеңи йилини тәбрикләш байримидур.

 
бу байрам йәнә кавказ тағ тизмилиридики гирозийәдин тартип балқан араллиридики Албанийәгичә болған 20 дин артуқ дөләт вә районларниң миллий вә аммивий байримидур. норуз байрими 2009- йили 2-өктәбир бирләшкән дөләтләр тәшкилати пән – мәдәнийәт мәһкимиси рәсми «қоғдилидиған мәниви мәдәнийәт ядикарлиқлири» дәп әнгә алиду вә 2010-йили бирләшкән дөләтләр тәшкилати омуми мәҗлиси тәрпидин «норуз байрими хәлиқаралиқ байрам» дәп етирап қилиниду. шуниңдин кейин Америка, Канада, әнгилийә Қатарлиқ нурғунлиған ғәрб дөләтлириниң рәһбәрлири норуз байримини тәбрикләп келиватиду. 1

норуз өткүзүшниң исламдики һөкми

“Noruz_maysa.jpg"һейтахун мәмтимин

 

норуз, парисчә сөз болуп йеңи күн дегән мәнидә. норуз 2000 йилдин артуқ тарихқа игә қәдими байрам болуп шәрқи түркистан, ғәрби түркистан, Иран, афғанстан вә Түркийә Қатарлиқ әлләрдә қутлуқлинип келингән бир әнәниви байрам. бу күндә күн түнгә тәңләшкән, баһар башланған күндур. бу байрамни түрки вә парис тиллиқ милләтләр ортақ тәнтәнә билән күтүп кәлгән болуп кейинчә османийә ханданлиқидиму алаһидә күн елан қилинип падишаһларниң муһим дөләт әмәлдарлирини мәнсәпкә атайдиған,соға тәқдим қилидиған күн болуп давамлашқан икән. норузниң һарам яки чәкләнгәнлики тоғрисида қурандиму, һәдистиму һечқандақ ениқ нәс(ениқ пакит) болмиған туруқлуқ қисмән дини өлималардин қияс йоли арқилиқ норуз өткүзүш бидәт дегәнләр болған.

 

мусулманларниң пәқәт үч данә дини байрими бар; у болсиму рамизан байрим,қурбан байрими вә җүмә күни. буниңдин башқа һәрқандан дини байрам пәйда қилиш динға бирәр һөкүмни илавә қилғанлиқ болуп ислам дини аталғусида бидәттур.

енглис яшиған кочида 

“Englis_House_London.jpg"әзиз әйса әлкүн
 

әсәрни аңлаш: Englis_yashighan_kochida.mp3

әсәрни асийә уйғур оқудиәсәрни асийә уйғур оқуди

 

төнүгүн кәч бир достум билән учришиш сәвәплик лондон шәһириниң әң һәшәмәтлик коЧилиридин бири болған, кәмдин (Camden) билән реҗент бағчиси (Regent’s park) оттурисиға җайлашқан Primrose Hill кочисини зиярәт қилишқа мувәққәт болдум. гәрчә мән бурун бу кочидин реҗент бағчисиға бериш үчүн бир қанчә қетим өткән болсамму, әмма коча бойлиридики һәшәмәтлик викториан услубидики ой-имарәтләрниң ишик вә вивискилириға анчә диққәт қилмиған икәнмән. дуняниң һәр иқлимидин лондонға келип туридиған зиярәтчиләр, болупму явропалиқлар бу кочида сәйлә қилишни унтумайтти. бу кочида дунядики әң даңлиқ шәхсиләр вә пулдар байлар яшап кәлгән болуп бүгүнки күндиму бу йәр бурунқидәкла өзиниң шөһрити билән мәшһур иди.мән кәмдин йәр асти пойизи (Tube) бекитидин чиқип, кочиларни арлап, достум билән учришишқа келишкән Primrose Hil бөлгисидики бир кәфийханиға  бериш үчүн кочиларни арлап, телефонум хәритисигә қарап кетиватсам, көзүмгә коча тәрәпкә қарап турған бир һәшәмәтлик өйниң темиға есиғлиқ турған кичик бир тахтиға йезилған исим диққитимни тартти. 

 

у тахтиға мундақ хәт йезилған иди: «сиясий пәлсәпичи фредрих енглис бу өйдә 1870ـ йилидин 1894ـ йилиғичә яшиған»…. тоғра, мән бу исимни бир заманларда әқлимни есимгә алған, бир бүдрә нанға зар болуп мәктәптә оқуватқан чеғимда, кәнттики мәктәпниң орулуп чошуп кетәй дәп қалған зәй темиға есилған маркис вә енглис Қатарлиқ узун сақаллиқ дуня коммунизмниң даһийлири, калтә сақал ленин вә Хитайниң мавзедуң Қатарлиқ көсәй «даһийлар» ниң рәсимлири Қатарида көргүнүм есимгә кәчти….. шуниң үчүнму бу исимни бу йәрдә қайта бир көрүп ихтиярсиз хиялларға паттим . това, биз яшаватқан бу заман һазир қәйәрдә? һәр бир адәмниң әркинлики, һәтта һайванларниң әркинликиму қанун арқилиқ қоғдилидиған бу беританийә җәмийитидә өзиниң сахтилиқи билән аллибурун тарихниң әхлитигә айлинип кәткән «адәм зәһәрләйдиған қуруқ пәлсәпә» ләрниң иҗат кари болған, әмма совет, Хитай, Куба Қатарлиқ һоқуқ зораванлиқи йүргүзгән аталмиш «сотсиялистик дөләтләр» өзлиригә қутқузғучи худа қиливалған бу маркис вә енглисларниң һич бир етибари йоқ иди.

 

20- әсирдә дуняни титрәткән, йерим әсир давам қилған урушларниң пилтиси болған, милйонлиған бигунаһ җанларниң һалак болушини кәлтүрүп чиқарған, җүмлидин дуняниң сиясий сәһнисидин хелә бурунла чүшүп қалған уйғур хәлқи вә уйғур зиялийлар қатлимиғиму совет коммунистлириниң тәшвиқати кирип, қәлбигә орнап кәткән вә кейики йилларда уйғур вәтининиң тәқдирдә һәл қилғучлуқ рол ойниған, вә һәтта таки бүгүнки күндиму Хитай һакимийити үчүн өзиниң уйғурларға йүргүзүлүватқан мустәмликә вә ирқЧилиқ сияситини пәрдазлашқа давамлиқ әс қетиватқан бу сәпсәтәниң яратқучи даһийси болған карл маркисниң қәбриси лондон шәһириниң ғәрбий-шималидики егиз дәрваза (Highgate Cemetery) қәбристанлиқидин орун алған болуп, гәрчә мениң өйүм карл маркисниң қәбриси бар қәбристанлиқтин машина билән йерим саәтлик йол болсиму әмма балилиқимда уни тола көрүп зериккәнликим, һәм Хитай коммунистлириниң униңға худадәк чоқунидиғанлиқи үчүн һазирғичә бармай қойған идим.

дахаодики навайхана

“Elkun_dachau.jpg"әзиз әйса әлкүн

 

әсәрни аңлаш: Dachaodiki_Nawayxana.mp3

 

әсәрни асийә уйғур оқудиәсәрни пәризат уйғур оқуди

мән миюнхингә  кәлгәндин кейин бу дөләтниң тилини билмигәнликим үчүн көп қийналдим, гәрчә бу чирайлиқ шәһәрниң ташқи көрүниши, рәтлик коЧилири менң көзүмгә йоруқ туюлған болсиму, әмма қәлбимдики көруниши болса қараңғу иди. шуңа яшаш күришидин кейинки бош вақтим болса Германийә вә униң җәнубидики мән яшаватқан, уйғурлар 1970-йиллардин башлапла көчмән болуп келишкә башлиған, пүтүн уйғур дунясиға толиму тонушлуқ болған бу шәһәр миюнхин һәққидә көпирәк нәрсиләрни өгинивелишқа урундум. гәрчә бу вақитларда вәтәндики маканим тор бекити вә йеңидин ечилған әркин асия радиоси тори Қатарлиқ бир қанчила уйғур тилидики интернет тор бекитидин башқа тор арқилиқ үгәнгидәк мәлуматларму йоқ дийәрлик иди. мән өз еһтияҗимдин чиқалайдиған росчә вә Хитайчидин башқа бир явропа тиллирини билмигәнликим үчүн, көпинчә, болупму йәкшәнбә күнлири миюнхен шәһәр мәркизидики һоббанов вогзалиниң (Hauptbahnhof) алдидики интернет қәһвәханилириға кирип саәтләп олтуруп, росчә вә Хитайчә мәнбәләрдин Германийә һәққидә хәвәрләрни көрәттим. һәм бу дөләттә қандақ яшаш һәққидә өгинәттим, издинәттим. дуня, явропа вә Хитай һәққидики сиясий еқим хәвәрлирини қизиқип оқуйттум. вәтән сеғинишниң һәсрәтлиригә аз-тола роһий озуқ тепиш үчүн маканим тор бекитиниң «чайханиси» ға кирип вәтәндики қериндашлиримиз билән параңлишаттим. у заманларда Хитайда тор тәқиплири асасән йоқ иди. бүгүнки күндикидәк түрлүк иҗтимаий тартуқларму мәвҗут әмәс иди. 

 

Германийигә көчмән болуп кәлгән түрк вә башқа милләт көчмәнләрниң һәммиси дигудәк ишчи болуп ишләйтти. бу көчмәнләр Германийиниң негизлик болған санаәт ишләпчиқириши үчүн муһим әмгәк күчлири һесаблинатти. 1990-йиллириниң башлиридин башлап йеңидин Германийигә көчмән болуп келиватқан уйғур мусапирлириниң сани йилдин йилға көпийишкә башлиди. пүтүн Германийә тәвәсидә 3-4 милийонға қәдәр түрк нопуси бар болуп, миюнхинни өз ичигә алған Германийидики уйғурлар асасән түрк көчмәнлириниң ярдимидә завут вә карханиларда, болупму түркләр игидарЧилиқидики ресторан, баққал вә навайханиларда иш тепип ишләш пүрсәтлиригә еришәтти. бу күнләрдә мениң миюнхиндә қанунлуқ ишләш рухситим болмиған болсиму әмма Германийигә келишм үчүн Қирғизистандики вақтимда миюнхиндики қериндашлиримдин алған бир қанчә миң доллар қәриз мени қандақла иш болса болсун, бирәр йәрдин иш тепип ишләп, буни вақтида қайтурветиш вәсвәси алдиртатти. мушу мәқсәттә мән ахири тәвәккүл қилип, түркләрниң ширкәтлиридә «қачақ» ишләватқан қериндашлиримизниң халис ярдимидә  иш тепип ишләшкә башлиған идим. дәсләптә қәғәз завутида бир йилға ишлигәндин кейин, өзүмдә уйқусизлиқниң дәрдидин роһий җәһәттин чарчашниң аламәтлири көрүливатқанлиғидин әнсирәшкә башлидим. адәм үчүн кечиси ухлимай ишләш узунға созулса униң саламәтликкә, роһий сағламлиққа тәсири көп болидикән. униң үстигә кечиси завутта вараң-чуруң, шавқунлар билән топа-чаңларға милинип ишләш тәбиийки, әгәр бир киши у қәдәр моһтаҗлиққа мәһкум болмиса, бу иш Германийиниң шараитидадаим қилип җан бақидиған ишму әмәс иди. шуниң билән мән қериндашлиримиз билән уқушуп юруп, бир қанчә ай бир түрк тазлиқ ширкитидә ишлидим, кейин тамақтин көп қийлинишқа башлидим, шуниң билән бир мәһәл болсиму  қорсақниң ғемидин қутулуш үчүн бир рестуранда ишләшкә йөткәлдим.

ләйлиқазақ

“Leyliqazaq.jpg"әзиз әйса әлкүн
 

шеирни аңлаш: Leyliqazaq.mp3

 

ләйлиқазақму әсли исмиң сениң,
яки әлчиму сән баһарға, нәргис?
еЧилисән балдур кәтмәстә үшшүк,
яғсиму үстүңгә қар, сулмай һәргиз!

 

баһар кәлмәй сени тунҗи көримән,
күлгиниңни күн билән тәң туйимән.
гүлидур сән һаятлиқниң бихлиған,
шуңа дилидин сени гүлүм сөйимән!

 

ашиқлар гүли сән, сөйгү дағлиған,
һиҗрандин қишта йүрики музлиған-
кәлсикән баһар дәп көзни яшлиған,
йеқип от өйигә норуз башлиған!

 

ләйлиқазақ бәргәң йүрәккә талиқ,
баһарниң илһами саңа атағлиқ.
чүнки тәбиәт гүли сән мисали,
алмишиши пәсилниң саңа бағлиқ!

 

боранда қарлиғач учуп кәлгәндә,
аталған кичик исмиң болуп нәргис,
сән билән иллиқ җаһан, күләр йүзләр,
болалмас баһар пүтүн сәнсиз һәргиз!

 

сән җәңчи баһар үчүн қиш қоғлиған,
сән мәшәл норузни бизгә чиллиған.
шуңа күйләр әлкүн үмидкә толған,
муһәббәт қатлириңға меһир тизған!

 

2018- йили 19-март, лондон

 

мәнбә «әзиз әйса әлкүн тори»

 
 

җавабсиз қалған телефон

әзиз әйса әлкүн

 

 

әсәрни аңлаш: Jawabsiz_Qalghan_Telefon.mp3

 
қуяш парлиған сәһәрдә бүк- барақсанлиқ дәрәхләр арисидики қушларниң вичирлап сайрашлири кишигә бүгүнки бу бир күнниңму биз арқимизда алдираш қалдуруп кәткән һәрқандақ бир күндин қелишмайдиған, қиммәтлик һаят өз мәнисини камаләткә йетип ипадиләйдиған, гүзәлликкә вә әһмийәтлик дәмләргә толидиған йәнә бир яп йеңи бир күнниң башлиниватқанлиғидин көңулләрни мәстхуш қилатти.

 
мән ушбу минутларда шундақ бир роһлуқ кәйпиятта идимки кичик қизимни қолидин йетиләп, униңға дуня һәққидә қизиқ вә гүзәл һекайиләрни ейтип бәргәч, уни алдираш мәктәпкә елип кетивататтим. пиядиләр йоли хелила тар болғачқа адәттә уч адәм тәң яндишип маңалмайтти. әгәр алдимизда бирәр адәм астарақ кетип барған болса, у адәмниң алдиға өтүп йолиңизни тизрәк давамлаштурушиңиз үчүн «мәрһәмәт, кәчүрүң, маңа йол бәргән болсиңиз!» дигәндәк тәкәллуп гәпләрни қилип йол соришимиз керәк иди.

 
тәлийимизгә бизниң алдимизда бовақ һарвиси иттирип, мениң қизим билән тәң яштики бир кичик қизни биллә елип кетип барған бир яш аял учурди. бу аялни мән бир қанчә йиллардин буян тонуйттим. бу аял аилиси билән мениң қизим иккинчи синипта оқуватқанда бизниң мәһәллигә Франсийәниң нис (Nice) шәһридин көчүп кәлгән иди. бу аялниң қизи билән мениң қизим шуниңдин буян бир синипта оқуп келивататти. бу аялниң исми лусие (Lucie) болуп, миллити франсуз иди. биз адәттә учришип қалсақ тәкәллуплуқ салам – саәтлиримизни аяшмайттуқ.

‫яшқа толған шәһла көз‬

“Yashqaәзиз әйса әлкүн

 

аңлаш: Yashqa_tolghan_shehla_koz.mp3

әсәрни асийә уйғур оқуди
 

‫бәдөләт заманидин тартип башқа юртларға тонулушқа башлиған, тарим бойлиридики бүк-барақсан тоғрақлиқлар арисиға җайлашқан бу хилвәт юрт, өзиниң тәбий алаһидилики билән «таллиқ»1  дәп аталған иди. бу таллиқ йезисиға тәвә бир қанчә мәһәллә кәнтләр пәқәт пәсилләр бойлап көчүп юридиған қум барханлири билән бир-бирлиридин айрилип туратти. бу юрттики адәмләрниң һәммиси бир-бирлири билән туғқан . бу юртта бир-бирлирини тонумайдиған яки яқа юртлардин көчүп келип қалғанлар йоқ дийәрлик. асимахун мана мушу юртта катта әмәлдар вә бай болуп откән қасим шаңйониң2  кәнҗи оғли болуп, юрт чоңлириниң дәп беришичә мушу юртниң айиқида «азат заман» өстиңи чепилған йили 1950-йили «помишчик», «бай деһқан», «һакимийәткә қарши унсур» дегәндәк қалпақ кәйдурулуп, сазайи қилинип, кейин наһийә базириға апирилип қасим шаңйони оннәччә байлар билән биллә етивәткән икән. аввал атисидин, кейин аписидин кичик йитим қалған асимахунни кичик аписи беқип Қатарға қошқан. асимахун йетимликниң, ата-анисиниң меһрисиз көп юқсузлиқларни тартип чоң болиду. у пәнний мәктәптә оқуялмайду әмма мәһәллиниң моллисида уч йил «һәптийәк»3  оқуп пәнсирдин саватини чиқириду. ‬

 

‫мәһәллиләрдә дашқазан түзүми «коммуна»4  қурулған йиллардин башлап таки бу түзүм 1980-йиллири әмәлдин қалдурулғичә у 4-мәһәллиниң «махочиси»5  болуп ишлигән иди. шуңа мәһәллидикиләр уни бәзидә «асим махо» дәпму чақиришатти. асимахун коммунада узун вақит кәнитниң ат-улақлирини баққанлиқи нәзәрдә тутулуп, омумниң мүлкидин башқилар Қатарида бир ешәк һарвиға, бозлуқтин он мо йәр тәқсиматиға еришкән иди.‬

мән шеир язмидим

Men shier yazmidimәзиз әйса әлкүн

 

шеирни бивастә аңлаш: Men_Shi’er_Yazmidim_Elkun.mp3
шеирни әзиз әйса әлкүн оқуди

 

мән шеир язмидим
шеир мени язмайтти,
чүнки биз қийдишип қалдуқ.
көп чекитләр қоюлған иккимиз арисиға
сүкүткә тәқдир бизни бағлайтти!

 

мән шеир язмидим
шеир һәм мени язалмайтти,
чүнки һеслиримиз буғулған
тизилған мисралар бузулған …
аримизда асман билән земиндәк кәң
бошлуқ туғулған,
баһарни узақ күткән гүллиримиз ахир
ечилмайла тозуған!

 

мән шеир язмидим
шеир мени язалмайтти,
чүнки бизниң туйғумиз –
муһәббитимиз
ғоруримиз
кәчмишимиз …
бизгә тәвә һәммә нәрсиләр оғриланған,
қарақчилар қараңғу кочида
бизгә туйдурмай туруп
һәммини йошуруп сатқан!

әзиз әйса әлкүн: ‘миллий кимликимизни сақлаш өзимизгә бағлиқ’

“Men

илавә: әзиз қериндашларниң оқушиға тәқдим қилинған ушбу сөһбәт хатириси болса Қазақистан җумһурийәтлик «уйғур авази» гезитиниң 2018-йиллиқ 1-март күнидә нәшир қилинған «әзиз әйса әлкүн: ‘миллий кимликимизни сақлаш өзимизгә бағлиқ’» намлиқ мәхсус сөһбәт хатирисиниң толуқ нусхиси.

 

абдулҗан азнбақийев

 

1. сизниң қазақстанда «йәттису уйғур музика мәктипи» қуршиңизға немә сәвәб болди?

 

– сиз сориған бу соал өз ана вәтинидин узақтики әнгилийәдә 20 йилға йеқин мусапир болуп яшап келиватқан бир уйғур балисиниң һаятлиқ кәчмишигә бағлинип кәткән бир узақ һекайәдур. шундақтиму мән имкан қәдәр бу соалиңизға қисқа вә чүшнушлук қилип җаваб беришкә тиришай. мән 1999-йили ана вәтинимдин айрилдим, 2001-йили лонднға келип көчмән болуп йәрләштим. 2003- йили мән лондонда компиютер учур техникиси бойичә унверситетта оқувататтим. шу вқиттики уйғур тили оқуғучум, кейинки қиз достум (һазирқи аялим) рәйчел болса лондон унверситити шәриқшунаслиқ институтиниң музика факултитида оқутқучи болуп ишләйтти. у бурун ана вәтинимизгә көп қетим уйғур музикисини тәтқиқ қилиш үчүн барған болуп, бир қанчә йиллардин буян мушу саһәдә оқутуш вә тәтқиқат билән шуғуллинатти. мән шу йили йәни 2003-йили июлда рәйчел билән биллә тунҗи қетим уйғур музикисини тәтқиқ қилиш мәқситидә Қазақистанға зиярәткә кәлдуқ. бизниң шу қетимқи сәпримиз болса биртанийә пәнләр академийисиниң ярдәм бериши билән «уйғур 12 муқам» ниң оттура асия вариянтилини тәкшуруп-тәтқиқ қилиш мәқситидә елип берилған болуп, Қазақистан, Қирғизистан вә өзбекиста Қатарлиқ дөләтләрдики уйғурлар топлишип олтурақлашқан шәһәр вә юртларни, йеза-қишлақларни зиярәт қилиш, әл ичидики сәнәткарлар вә әл нәғмичиләр, мәшрәпчиләр, йегит башлири билән көрүшуш, улар билән сөһбәт елип бериш, қисқиси уйғур хәлқиниң тәвәрүк мәдәний мираслиридин бир болған уйғур 12 муқамини һаят хәлқ ичидин өгуниш вә тәтқиқ қилиш иди. мана мушу арзулиримиз билән биз 2003- йили июл ейида алмутиға кәлдуқ вә Қазақистанниң шәриқдики яркәндин ғәрибидә таки түркистан шәһригичә тәкшуруш, тәтқиққ қилиш хизмәтлиридә болдуқ.

мән сени көрдум

“Menәзиз әйса әлкүн

 

аваз үлиниши: Men_seni_kordum.mp3

шеирни рабийә давут оқуди

 

сән бу кечә ялғузлуқ кемисидә
һеслириңниң әрки үчүн үздүң
гүмбәзгә охшайдиған асманға бақтиң
җимирлап көз қисишти һармайдиған юлтузлар
мән айдин
сән көргән каинаттин
сениң көләңгәңни көргәндәк болдум.
сәнму мени көрдиңму
төмүр балдақлиқ кона пәнҗиридин?

 

сән бу кечә сеғинишниң кемисидә
һиҗран үзивәткән мусапини
һәсрәт қайнимида қайта кезиватисән
мән сәнсиз сәвдаға айланғандин буян,
дәстиси төмүрдин ясалған палта билән
һечкимгә тәвә әмәс орманда
мустәқил туруп
висал дәрясидин өтүш үчүн көврүк селиватимән !

 

айрилишниң мусаписини өлчимәймән
чүнки униң видалишиш болуп қелишидин қорқимән.
шуңа сени күн санимай күтүшкә адәтләндим.
сәнму мәндәк қиливатамсән?
сәнму шундақ күтүшни өгнивалдиңму?
мән шуни ениқ билимән –
шуңа җавабиңни күтмәймән
пәқәт бу каинатла бизгә сатқин әмәс
шуңа сени йоқатмаймән.
шуңа сени висал елип келиду дәп күтимән.

 

сән мени көрүватамсән?
роһим роһиңни күтүштин сақлисун,
мән сени тирик көрүватимән сән қарап қетип қалған упуқтин
сәһәр чолпанидин
шәпәқ қуяшидин
сән асманда көрәләйдиған җими нәрсидин
қара әнә ….
сениң әксиңни ениқ көрүватимән!

 

әнә бир тамчә яш мәңзиңдин сирғип чүшти …
у муһәббәт иди …
кирпикиң йешиңни оқ қилип атти
у өч елиш иди ….
у һәм сеғинишлиқ сәһәргә чүшкән сәбир шәбними иди.

 

гугумдә гаһи көзлирим хирәлишип қалиду
мән көзәйнәк тақашқа көндүм
сәнму тақамсән?
көз дохтуриниң мәслиһәтини аңлиғин
шундақ қил, висал күни биз бир – биримизни тонуялаймиз.
билимән, бизгә салған отни һич ким өчүрәлмәйду
дуняда ундақ янидиған бир от һәм төрәлмиди
у от – мәндики сеғиндурған сән.
у от – сениңдики сеғиндурған мән!

 

2018-йили 8- январ, лондон.