unutqan dunya

“Unutqaneziz eysa elkün
 

anglash: Elkun_poem/Unutqan_dunya.mp3

shé’irni rabiye dawut oqudi

 
ésiwaldim öyümge, künde körey dep,
sirliri köp, bilelmigen dunyani.
izdeymen déngizdin, araldin ötüp,
aware tapalmay xilwet makanni…

 
nimjanlar köründüng xeritemde sen,
payansiz qum bolup, giyahsiz qaqas.
changqighan ezim tarim, tolghinip halsiz…
uyquda tekti-makan shepisiz timtas.

 
esirler uxlapmu qanmighan chéghi,
séhirlik uyqusidin turmighan chéghi.
shu seweb unutqan dunya özimu,
rengliri zamanning chüshmigen chéghi…

 
qistaymen gahida özümni zariqip,
sizsam bashqiche qilip dunyani.
qaldimmu eqlimdin men adiship,
körmeyla kéteymu mushu alemni …

 
bolmaptu qilghinim ésip öyümge,
sélishturup méni tughqan tupraqni.
oxchidi yürektin zerdab közümge,
yashaymu yoshurup köygen piraqni…

 
teng emes héch bir yer ana tupraqqa!
héchkim hem bolalmas oxshap anamgha!
körimen séni her waq eqil közümde.
oghlungmen tunutay séni dunyagha!

 
 

*ushbu shé’ir «uyghur ezizi» qelem namida 2000- yili10-ayda miyunxén shehride yézilghan we shu ayda «istiqlal géziti» ning 10- sanida neshr qilin’ghan.


 

sada

“Issiq_kolrabiye dawut

 

shé’irni anglash: Rabiye Dawut: Sada.mp3

shé’irni rabiye dawut oqudi

 

ümidlinip quyashimgha baqtim,
qara bulut asmanni tosuptu.
ayni izdidim axrqi qétim,
u baldur tagh keynige möküptu!

 

déngiz dédim ussuzluqta men changqap,
u manga soghuq hömiyip béqiptu.
zémin dédim baghri uning kengri dep,
umu manga wapa qilmay yétiptu!

 

hesrette dédim tenha özümge:
«tashlap méni hemmisi kétiptu –
qéni söygü, qéni bergen wedeng?»
yürikim elemde dertke pétiptu!

 

emma men arqigha emdi yanmaymen,
tughlar yéngi quyash hayat yolumda.
tawlinar chin insan mushaqqet bilen,
weten muhebbiti bolsa qéningda!

 

 

wisal marishi

eziz eysa elkün

shé’irni anglash: Wisal_marishi.mp3

 
söyimen chin dildin séni jan ana,
köp yettim qedringge weslingisiz mana.
sen üchün perwane, boldum kéche – tun,
köyüshke teyyarmen bir ömür yana !

 
ayrilip séningdin men yétim ana ,
chüshum we ongumda birla sen ana.
yashaydu sen bilen küreshchan oghlung,
tapidu bir wisal etengge ana !

 
ne meylim yashashqa sensiz yigane,
yoqtur bu hayatim sensiz héch mene.
burchdur qutquzush séni jan ana.
tessedduq bu jénim sanga pidane !

 
biz kütken shu künni untuma ana,
kélidu az künde bu künmu ana.
bolidu weten hör, külimiz ana!
quchimiz biz wisal ebediy ana!

 

 

___________________________

shé’ir heqqide izahat:

ushbu shé’ir Gérmaniyening miyunxén shehride «dunya uyghur yashliri qurultiy» ning neshr epkari bolghan «sherqiy türkistan yashliri» zhurnilining 2001- yili 1- sanining 34- bétide élan qilin’ghan. shu waqitta bu shé’irning esli mewzusi «bolidu weten hör, külimiz ana!» bolup, «uyghur ezizi» qelem namida neshr qilin’ghan idi. aridin nurghun yillar ötken bügünki künde siz oquwatqan bu shé’ir eyni yillarda yézilghan shu esli nusxisi assida shé’irning témisi «wisal marishi» gha özgertilip, mezmuni qismen tehrirlinip, elkün torida qayta neshr qilindi.

2018-yili, 19-aprél, london . menbe «elkün tori».