балилиқта муһәббәт

әзиз әйса әлкүн

шеирни бивастә аңлаш: Baliliqta_muhabbet.mp3

 

мән дәрдимни тамға ейтип өгәнгән,
аңларға кишим йенимда болـмиғач.
кәлди яшап аманәттә әқидәм,
ашиқ йүрәк көйүп саңа тинмиғач!

 

чоң болсамму хиянәт балилиқта йоқ,
ейтсаңму гәр ялғанни мән сөймидим дәп.
пак муһәббәт төрәлгән сәбийликим у.
яшнайду мән билән тәң сүйүлуп әбәд!


балилиқта бал, тәми адаққа кәтмәс,
алـмилиқ бағ, рухсариң симаси өчмәс.
тилигән идим толсиму қәлбимгә азаб ـ
«яша сән, бәхитлик бол бир өмүр пәвәс!»…

һаят ишқи

әзиз әйса әлкүн
 
илавә: әшу йилларда бу шеирни йезиштин туғулған ойлар – биз адәмләр бу дуняға апиридә болғандин буян «һаят ишқи» ниң һузуридин, «ахирәтлик « ниң ғемидин өзимизни қачуралиған әмәс. һаятимиз мәлум басқучқа йәткәндә мушу бир – бирлиригә қарму – қарши һузур билән әндишә вәсвәлири биз һаятлиқ мәнисиниң немә икәнлигини чүшүнүп йитип болғучә өмуримиздин хошлишип кетип болиду….. мениң демәкчи болғиним бәлким мән инсан һаятиниң биз қобул қилишқа мәҗбур қилинған тәбий қанунийити билән қәлбим қетидин урғуған собйектип туйғумни гүзәл уйғур әдәбий тилида шеири һессият билән ипадиләшкә тиришип көргән болсам керәк, еһтималим. әмма шуниси ениқки мән бу шеирни инсан һаятиниң әркинликини, һаят – маматлиқи яки өмриниң узун -қисқилиқини чәкләйдиған тәбий қанунийәтлиригә әмәс, бәлким адәмләр тәрипидин яритилған һаятниң суний кишәнлирни пачақлашқа, бу һаятлиқта мән үчүн яритилған ‍адаләтсизликлиригә тиз пүкмәй, һаятни қизғин меһри – муһәббәт билән бағашлашқа, өзүмни толуп – ташқан үмид билән, иҗабийлиқ билән мән күтүватқан гүзәл келәчәк үчүн меһнәт вә һиммәт билән яшашқа дәвәт қиливатқан болсам керәк йәни мән милади 1998 – йили ғазиянә ақсуда яшаватқан күнлиримдә !

(бу шеир 1998- йили 12- айниң 31- күни ақсу гезитидә әзиз әйса (йол) нами билән елан қилинған) 

 

һаят ишқи


иккиләнмәймән,
сөйгү алдида.
зарлимаймән,
тәқдир қойнида.
янғин…
оттин пүткән йүрәк.
ирадәм һаятқа-
хантәңридәк….

көк асман

әзиз әйса әлкүн

 

муәллқтики мениң көк асминим
мән сени мутләқ сөйүп кәлдим
вуҗудум билән бағашлап
бир җуп көзүм көрүшкә
бурнум һидиңни сезишкә
еғизим сени қошуп йейишкә
путум меңишни өгәнгәндин башлап.


мән сени қәлбим қетидин
чәксиз сеғинип кәлдим бүгүнгә
бу сеғиниш шу йәрдә узақтин буян
бу сеғиниш деңиздәк чоңқур
бу сеғиниш тәңри теғидәк егиз
гәрчә мениң йилтизим
көмүлүп кәткән болсиму дәшти чөлгә…..

дуня көйүватиду

әзиз әйса әлкүн


саәт йәттидә сәһәрдә
ястуқум бешидики радио сөзләйду:
»шиә билән сүннийләр Йәмәндә
ислам дөлити сәуди
дости Америка билән
бомбардиманни башлайду…
Ирақ
украин 
сумали
……….
қармайдики уйғурниң кәписи
ахшам чиққан 10 бал шамалда
техичә көйүватиду…«

«шинҗаң әдәбият ـ сәнити» журнли 1951 ـ йили

شىنجاڭ ئەدەبىيات ـ سەنىتى ژۇرنلى 1951 ـ يىلى


«шинҗаң әдәбият ـ сәнити» журнли 1951 ـ йили 4 ـ 5 сан жорналниң әлкитап PDF нусхусии. төвәндики муқим тор адресидин чүшүрвалалайсиз:

 

 

www.azizisa.org/e_kitap/XJ_Edebiyat_Senet1951_4_5.pdf

 

 

мән маңған бу кочида

әзиз әйса әлкүн

 


ше‍ирни батурхан оқуди
Men_mangghan_bu_kocha.mp3

 


ше‍ирни меһригүл оқуди
Men_mangghan_bu_kochida2019.mp3

 

мән маңған бу кочида
һәр күни һиҗран нахшиси ейтиливәрмәйду
һаят үмиди бихлиған
ялиңач дәрәхләр көкәргән
баһарниң әлчиси лалә – рәйһан
қиз йүзидәк ечилған.


мән маңған бу кочида
һәр күни һиҗран нахшиси ейтиливәрмәйду
сәһәрниң булбуллири
гүл бәргиниң вападар ашиқлири
адәмләрму ейтип түгитәлмигән –
муһәббәт мелодийәсигә
муң қошуп ғәзәл товлиған….

баһарни сеғиниш

Baharni_seghinish

әзиз әйса әлкүн

шеирни бивастә аңлаш: Baharni_seghnish.mp3

 

йәнә шу тонуш сәһәр, тонуш бу бағча,
охшаш муңда ғәзәлчи қушниң сайриши.
қаға қақилдишиму төнүгүнгә охшаш,
қайтмиған мудһиш соғуқ биздин техи!

 

көк асман, қуяш нури парлиған сәһәр,
мән кезәрмән дуняни өзүмдә йүдүп.
зариқип күткән дилхумар техи кәлмигәч,
яралғанму яшашқа мән сени күтүп?!


яшаймәнму кәлмәс яр йолуңға қарап,
сеғиништа упуқ четидин сени издәп.
ай толундин салам йоллап һәр кечидә,
мисра қилип һәр шеримға сени күйләп….

йеңи йилға суал

әзиз әйса әлкүн

шеирни бивастә аңлаш: Yengi_yilgha_sual.mp3

 

йиңи йил кәлди, кониси кәтти,
өмүрдин бир бәт йиртилди, өчти.
сораймән ғәмкин озумдин суал,
қиммити бу һаят нәләргә кәтти?!

 

гәр йешим ашсиму қириқтин бүгүн,
ашалмидим арзуюм чекидин һалқип.
яшаймән қол сүзүп үмидкә һаман,
хәлқимниң дәрдигә өзүмни зариқип.


ямғурлуқ бу кечә, мән муңға паттим,
узитип йилларни арқамға аттим.
вәтәнниң ишқида болуп мусапир,
чөлләрдә ниҗатлиқ карвини тарттим…

явайилиқ

әзиз әйса әлкүн

 

шеирни бивастә аңлаш: Elkun: Yawayiliq.mp3

 

чәксиз орман
көзгә һәсирәттин толған яш
аписиға өгәйләнгән
шамаллиқ йешил дала –
чиғир йоллар сөйүшүш үчүн кесишкән
 бизни башлайдиғини шу бирла нуқта.

 

тәлвә булутлар алдираш
шамалларға усул ойнайду
һәммисиниң әсли мәқсити бир
қуяшни өзи билән елип қечиш үчүн
юшурун суйқәст қилـмақта.
 


тәбиәт нахшисини тохтимай ейтиду
мәнму тәңкәш қилип ейтимән 
мениң муһәббитиму бу нахшилардин қелишмайду
у қумда, бағда, тағларда тавланған
муңлинип қан ـ қенимда көйиду …

рисаләт мәрдан шеирлири

Sha'ire Risalet Merdan

сени қумлуқ қәһвәханисида сақлаймән 

 

қара,  қәһвә чәйники тарақлап нахша ейитмақта
өрүк отуниниң хуш пуриқи 
арча дәрихиниң юмран шехи 
күтүшүмгә болмақта һәмраһ

 

төт әтирап қум 
тоғрақ йопурмиқида қуяш нури 
сени сақлаймән қәһвәханида 
ишик алдидики кавабданда 
түтәп турар җигдә отуни 
мениң йүриким җимҗит һалда 
айрилиш нахшиси ейтиду
көзүмгә яш толған 
әгәр кәлсәңла 
қумлар арисиға кирип кетимиз 
тағлар арисиға сиңип кетимиз 

 

* * * * * *

 

қумда үзүш


қум еғир һәмдә сирлиқ пети
үссүп кирәр мениң қәлбимгә
чинә-қачиларни сүртиватқинимда ….