weten wisali

eziz eysa elkün
 
qelbimde hijran ming merte ölup
ming merte qayta tirilgen
kech küzdiki ghérib baghchamdin
déngiz suyide nemliship ـ
dat bésip ketken ahu ـ zarimdin
men ashiq altun renglik yapraqni
manga tewe hemmini qoshup ـ
küz «hijra emesken!» dédim
seherde tökülgen shebnemge baghlap ـ
üchtum ulardin gélem yassap!
 
men toghlup ösken topluq makan
sükütte mungluq naxsha éytidu …
atam sekratta xiyalgha chömgen …
apamning közide teshwishlik dunya
men bir chagh küyligen aq we qara qaghilar ـ
anam qebrisini men yoqlighanda tönügün
bu demlerge peqet ularla guwah!

küz ـ sen hijran emes!

Kuz hijiran emes

eziz eysa elkün

awazni biwaste ‍anglash: Kuz_sen_hijran_emes.mp3

 

asmanni qara bulutlar qaplighan, yaz quyashning atesh nurliridin esirmu yoq, kishning könglige boran – chapqunni, hayat – mamatliq tebi’etning tiragédiyisini eslitidighan bir chagh. men meyus seherde baghchining ishikidin kirip keldim. eyyuhennas! bu yerdiki küz köz aldimda mehbubining muhebbet wisaligha yételmigendin kéyinki özini olturuwélish dramisini oynawétiptu.  

 

küz yapraqliri shebnemde tökülgen yaltiraq yashlirini paqirtiship, hijran naxshilirini bolushighiche éytiship, derexler bilen widalishiwétiptu, nimjan jismi soghuq yerni, tupraqni baghashlawétiptu. baghchining bügünki körünishi yapraqlarning mazarliqni esletti.  qagha – quzghunlar we yene qandaqtur manga nami namelum  bolghan, ademge bir kélishmeslikning, bextsizlikning, külpetning sézimini bildürüp turidighan bu wehshi yawa qushlar derex ustige qonushup, yazni bostan qilghan eshu yap yéshil yopurmaqlarning bextsizlikini tamasha qiliship behri surwatqidek…. özümge asta pichirlap »towa ! biz ademlerla emes, emdi biz yashawatqan bu dunyaning teb’itidinmu muhebbet yoqap ketkenmidu? ularni kimler néme sewebler biler shu  qeder rehimsizleshtuwetkendu? yaki ularmu bu na’insapliqni ademlerdin ögen’genmidu?» dégüdekmen.

 
[toluq oqush]

küzdiki muhebbet

Kuzdiki muhabbet

eziz eysa elkün

 

bu yerde altun renglik kün parlighan
hayatliq güzel kök asman we quyash astida
ular özlirini ashkarlighanda.
emma mining telepchan bu yürikim
hayajandin örtiniwatidu …
hayatliq seperliri bezide shundaq
ajayip héslargha tolghan.
yene qandaqtur mewhum héslargha tolidighini éniq.
men altun renglik yapraqlarni yénikkine tutqinimda
ular shamallar bilen tengla titreydu…
men bu deqiqide ulardin ajayip tuyghularni séziwatimen
ulargha qarap minglighan shé’irlarni oquwatimen.
bu shé’irlarning hemmisi biz uchun
muhebbet ilahi teripidin yézilghan.

 

22 – öktebir 2016- yili, london