ئەلكۈننىڭ سۈرىتى

Elkunning suriti

ئەزىز ئەيسا ئەلكۈن
 
(ياشلىق قەدمىمنى بېسىشنىڭ ئالدىدا مۇڭلۇق خىياللار قاينىمىغا چوككەن بىر بالا ئىدىم ….
1985 – يىلى سېنتەبىر، شايار)

 
ياشلىققا قەدىمىم يىتىشتىن بۇرۇن،

خىيالچان بالىتىم مۇڭغا چۆككەن.

كېچە يۇلتۇزىدىن بەخىت ساناپ،

سەھەردە قۇياش بىلەن تەڭ ئۆسكەن.
 
شۇنداق بالىتىم ھەممىگە قىزغىن ،
”نېمىشقا؟“ دېگەن سۆز ماڭا ھەمراھ…
گاھىدا ئاتاجان تىرىكىپ كەتسە،
چۇشنەتتىم دۇنيانى تىلسىم جەڭگاھ…
 
چوڭ بولدۇم بوۋام ھېكايىسىدىن.
توت كۈندە يېشىم ياشلىققا يەتتى.
قەلبىمدە بىخ سۇرۇپ تاتلىق تۇيغۇ،
سەبىي مەنزىلىم كەلمەسكە كەتتى…
 
ئۇچىراپ قالدى بۇ سۈرەت ماڭا،
كۆرۇنەر تۇرقىدىن شاش بىر بالا.
ئۇ ئىدى يېرىم ئەسىرلىك ئەلكۈن –
يۈركىدە ئەلكۈن غەمى ئەڭ تولا…
 
يېتەركەن ئەقىلگە قىرانلىق يەتسە،
قالار ئىكەن سۈرەتتەك مەنزىل ھامان.
ياشنار ئىكەن ئادەم ئۆمىرى مېھنەتتە،
ئەجىرڭ بىلەن بولسا بوستان ئەل ماكان!
 
2017 – يىلى 20- فېۋرال. ئ‍اسماندا يېزىلدى
 



سەھىپىمىزدە پىكىر يازغاندا ئۇيغۇر تىلىنىڭ ئۆلچەملىك ئىملا قائىدىسىگە رىئايە قىلىشىڭىزنى تەۋىسىيە قىلىمىز !