يەنە باھار كەلدى

Yene bahar keldiئەزىز ئەيسا ئەلكۈن
 
ئۈزاق كۈتۈشلەردىن
توڭى ئېرىگەن ئەگىزلەردىن
غازاڭ ئۈچۈرتقان شاماللاردىن
ئېزگۈ تۇيغۇم ئېيتىدۇ
يەنە باھار كەلدى…
 
ئاخشام قىروۋ قونغان ـ
ياش تامچىيدىغان كىرپىكلەردىن
سەھەر چىققان سېرىق ئاپتاپتىن 
بالدۇر ئېچىلغان باغچامدىكى
ئالا ـ چىپا چېچەكتىن 
ھېجىران ئوقى خەستە قىلغان يۈرەكتىن 
يىل بېشى نورۇزغا 
قارا قىش تامان ئۈششۈگەن ئۈمىد
ئېرىپ كېتىشكە
يەنە كېلىپ قوشۇلدى.
 
باھار چىللاپ تىنمايدىغان 
دېڭىز دولقۇنىغا تەڭكەش
شاماللارغا ئۇسۇل ئوينايدىغان 
پەسىل قۇشلىردىن
مەھەللەمدىكى قېرى سۆگەتتە 
«كاككۇك» نى چاقىردىغان
مەشۇق نالىسى زەينەپتىن
راسىت كەلگەن ئوخشايدۇ باھار…
قىش تەپتىدە مۇزلىغان يۈرەك 
يەنە قايتا ئىللىدى!
 
2015 ـ يىلى 11 ـ مارت لوندوندا يېزىلدى.
 
 
شېئىرنى رەسىم ھالىتىدە ئوقۇش ۋە ساقلىۋېلىش:
http://www.azizisa.org/elkun_poem/Yene_bahar_keldi_W_L.jpg
 
مەنبە: 
http://www.azizisa.org/bahar_yene_keldi
 
 



سەھىپىمىزدە پىكىر يازغاندا ئۇيغۇر تىلىنىڭ ئۆلچەملىك ئىملا قائىدىسىگە رىئايە قىلىشىڭىزنى تەۋىسىيە قىلىمىز !